By NG Florauna glo ons dat geloof meer is as iets wat ons sê. Dit is iets wat ons elke dag leef.
Ons is ’n gemeente waar jy kan behoort, groei en Jesus beter leer ken in die werklikheid van die lewe. Hier stap ons saam deur elke seisoen, dra mekaar, maak ruimte vir elke storie en soek saam na God se teenwoordigheid in die groot oomblikke én in die alledaagse.
Kom stap die pad saam met ons.
NG Florauna is ’n geloofsgemeenskap waar mense saam leer, saam groei en saam leef in verhouding met God. Ons glo geloof is nie net iets wat jy op ’n Sondag hoor nie, maar iets wat sigbaar word in hoe ons dink, praat, dien en omgee.
Hier stap ons saam met mense deur elke seisoen van die lewe. Ons maak ruimte vir egte verhoudings, verskillende stories en praktiese geloof wat ’n verskil maak in ons gemeente en gemeenskap.
Ons visie is eenvoudig: ons is oppad saam met God. Elke mens is op ’n geloofsreis, maar niemand hoef dit alleen te stap nie.
Die kruis staan sentraal in wie ons is. Dit herinner ons aan God se genade, ons roeping tot dissipelskap en die nuwe lewe waartoe Hy ons elke dag nooi. Daarom wil ons nie net geloof ken nie, maar geloof leef. In ons huise, in ons verhoudings, in ons gemeenskap en in die wêreld rondom ons.
Ons glo God roep ons om ’n poort na die wêreld te wees: mense wat Sy liefde dra, Sy hoop leef en Sy lig sigbaar maak waar ons gaan.
Daar is verskillende geleenthede deur die week waar jy kan aanbid, inskakel en saam met ander in geloof groei.
Sondaeoggende om 09:00
Sondaeaande om 18:00
Geen aanddienste gedurende skoolvakansies en langnaweke nie.
Sondaeoggende om 09:00
Geen Kinderkerk gedurende skoolvakansies en langnaweke nie.
Dinsdae om 06:00
Junior Geloofsontwikkeling: Sondaeoggende om 10:00
Senior Geloofsontwikkeling: Sondaeaande om 19:00
Manne en Vroue Bybelstudie: Elke tweede Dinsdag om 18:00
Kom Ons Praat Bybelstudie: Dinsdae om 19:00
By NG Florauna is daar verskillende bedieninge waar jy kan groei, dien, inskakel en saam met ander jou geloof prakties uitleef.
’n Bedieningsruimte vir ouer lidmate om verbind, ondersteun en betrokke te bly.
Bly digitaal verbind deur aanlyn boodskappe, uitsendings en gemeente-kommunikasie.
Ons geloof staan op God se Woord, die genade van Jesus Christus, egte verhoudings en ’n lewe van diensbaarheid. Dit is hoe ons saam met God op pad is.
Die Bybel staan sentraal in ons geloof en gee rigting vir ons lewe saam met God.
Die kruis herinner ons aan God se genade, nuwe lewe en ons roeping tot dissipelskap.
Ons leef uit God se liefde en kies om mekaar met nederigheid, respek en omgee te dien.
Ons kom saam om God te aanbid, in geloof te groei en Sy lig sigbaar te maak.
Daar is plek vir jou by NG Florauna. Sluit aan by ’n groep, ontvang ons nuus, bly ingeskakel by wat gebeur en stap die geloofspad saam met ’n gemeenskap wat omgee.
Van lidmaatskap en jeugkommunikasie tot gebed, bemoediging en weeklikse nuus, ons wil dit vir jou maklik maak om verbind te bly.
Word deel van NG Florauna en stap die pad saam met ons.
Ontvang belangrike gemeente-nuus, aankondigings en opdaterings direk op WhatsApp.
Bly op hoogte met ons weeklikse nuusbrief en gemeente-inligting per e-pos.
Skakel in by die jeuggroep se WhatsApp-kommunikasie en bly deel van wat gebeur.
Ontvang daaglikse boodskappe van hoop, geloof en bemoediging.
Ontvang die weeklikse boodskap van Dr Jan Botha direk op WhatsApp.
Sluit aan by ons gebedsgroep en bid saam vir ons gemeente en gemeenskap.
Vind ondersteuning en bemoediging deur ’n groep wat saam stap deur moeilike seisoene.
By NG Florauna glo ons dat geloofsgemeenskap ook beteken dat ons mekaar dra wanneer die lewe swaar raak. Of jy ondersteuning, gebed, pastorale sorg of net iemand nodig het om saam met jou te stap, daar is plek vir jou.
Ondersteuning en gesprek vir mense wat deur moeilike seisoene gaan.
Ons bid saam vir mense, families en situasies in ons gemeente.
Ruimtes waar mense saam kan stap met begrip, sorg en bemoediging.
Hier is ’n paar algemene vrae oor ons eredienste, bedieninge, nuus, betrokkenheid en hoe jy saam met ons kan inskakel.
Ons oggenddiens vind Sondae om 09:00 plaas. Ons aanddiens vind Sondae om 18:00 plaas, behalwe gedurende skoolvakansies en langnaweke.
Ja, Kinderkerk vind Sondaeoggende om 09:00 plaas, behalwe gedurende skoolvakansies en langnaweke.
Jy kan ons eredienste deur die regstreekse uitsending op die webwerf volg. Vorige dienste sal ook beskikbaar wees.
Jy kan aansluit by NGF Nuus op WhatsApp, inteken vir e-posnuus, of die jongste nuusbrief op die webwerf lees.
Besoek die bedieninge-afdeling en kies die bediening waarby jy wil inskakel. Elke bediening het meer inligting oor hoe om betrokke te raak.
Ja, daar is verskeie Bybelstudiegroepe, insluitend Manne en Vroue Bybelstudie elke tweede Dinsdag om 18:00 en Kom Ons Praat Bybelstudie op Dinsdae om 19:00.
Wanneer ons gee, bou ons saam aan dit waarmee God besig is. Jou bydrae help ons om mense te bereik, bedieninge aan die gang te hou en prakties ’n verskil in ons gemeente en gemeenskap te maak.
Deur jou ondersteuning kan NG Florauna aanhou dien, versorg, uitreik en ruimtes skep waar mense geloof, hoop en gemeenskap kan beleef.
Rekeningnaam:
NG Gemeente Florauna
Bank:
Absa Pretoria Noord
Rekeningtipe:
Tjekrekening
Rekeningnommer:
060 591 857
Takkode:
509 145
Verwysing:
Plaas asseblief ’n duidelike verwysing by jou betaling.
